Iti pi so bhagavā arahaṃ sammā-sambuddho
Vijjā-caraṇa-sampanno sugato loka-vidū
Anuttaro purisa-damma-sārathi
Satthā devamanussānaṃ buddho bhagavā’ti

Svākkhāto bhagavatā dhammo
sandiṭṭhiko
akāliko
ehi-passiko
opanayiko
paccattaṃ veditabbo viññūhī’ti

Supaṭipanno bhagavato sāvaka-saṅgho
Uju-paṭipanno bhagavato sāvaka-saṅgho
Ñāya-paṭipanno bhagavato sāvaka-saṅgho
Sāmīci-paṭipanno bhagavato sāvaka-saṅgho

Yad-idaṃ cattāri purisa-yugāni aṭṭha purisa-puggalā
Esa bhagavato sāvaka-saṅgho

Āhuneyyo pāhuneyyo dakkhiṇeyyo añjali-karaṇīyo
Anuttaraṃ puññakkhettaṃ lokassā’ti