Sarajjaṃ sasenaṃ
sabandhuṃ nar’indaṃ
Paritt’ānubhāvo sadā rakkhatū’ti

Pharitvāna mettaṃ
samettā bhadantā
Avikkhitta-cittā parittaṃ bhaṇantu

Samantā cakka-vāḷesu
Atr’āgacchantu devatā
Saddhammaṃ muni-rājassa
Suṇantu sagga-mokkha-daṃ

Sagge kāme ca rūpe
Giri-sikhara-taṭe
c’antalikkhe vimāne
Dīpe raṭṭhe ca gāme
Taru-vana-gahane
geha-vatthumhi khette
Bhummā c’āyantu devā
Jala-thala-visame
yakkha-gandhabba-nāgā
Tiṭṭhantā santike yaṃ
Muni-vara-vacanaṃ
sādhavo me suṇantu

Dhammassavana-kālo
ayam-bhadantā

Dhammassavana-kālo
ayam-bhadantā

Dhammassavana-kālo
ayam-bhadantā